Ez Mektebê de Kirmanckî Musena
04.01.2026
Amika Serfînaze û Ap Şekir
06.01.2026NO SENÎ HISODE BÊHALÎN O ?
No senî hîsode béhalîn o
Pêşkare canê mi bîyo
Ti vana belkî
Mi ne kuçeyanê şaristanî de
Bi emrê çendaye perperikan
Cuye derbaz kerda
Ez teyna bena xerîbê nê şaristanî
No senî fikrode bêyom o
Çembera dormeyê mi, hey şona bena teng
Bi jû destê bêçikan ameyne humaritene
Merdimo ke wayîrê kesatîye o
Dormeyê merimîde embazî, her şinê bene kemî
Rojanê verênan û xortanîye de mendîbî
Tahmê dostanîye û yaranîye
Rojane vîyarteyan de mendibî
Çayexaneye Ap Terzîyanî de
Ma çar – panc hevalî pilosîyene rê felsefê ra
Felsefê û rindîye û hewlîye ra sohbet kerdêne
Cuye de no ma rê lazim bî
Sey nan , awe û hewayî
Seke ez îta de qet nêciwîyaybî
Kemeranê gîye boranan ser de
Mi çend çift solî dirnayî
Çend paketî cixarayî fîştî ta
Gencîye û tîtalîya xo vera
Verva deryayî biquretîye
Pife hewayî kerdene, duyê cixara
To vatêne belkî
Barê na dinya mi kerdîbî pîştî
Ez tena bena xerîbe nê şaristanî….
ALİ ŞEKER
SEKE EZ BERMENA
Xatirayê welatî kuçeyanê şaristanî de
Sey mixode jengin
Ameyne kuwayêne mezgê mi ro
Çi heyf ke ez nêşîkîna
Serran apey de bigêyrenî ra
Nê destê mi de, sey demê verênan jû çîyode tilsimin,
Nê zî sey demê fîlmanê nikayînî,
Mîstîk û fantastîk jû qewetade bêhemde esta
Zafşenik tede çend temenêyî ameye werdene, nê kuçeyan de
Gencî ameye dinya û gencî şîye…
Nasî, nenas û dostî, pîr û kalan dinya vurna
Emirdergîye û hîrayîya mezelan têvirane de rakewftîya
Ax! Nê usare zureyînî, ax no meşîyayîşo qelebelix
Nê laserê însananê zurekeran
Nê kuçeyan de hêrdişa mina sîyaye bîye sipê,
Rîyê kuçeyan zî bî kehen…
Xemgînîyîya de giranê pirozîyayêne alişkanê mi ra
Ax! Nê kuçeye xeribî,
Ax! No qelebelixe merdimananê murizinan
Ez berkenî bena, mîyanêyê nê hende însananê nenasan de
Hêsîrê çimanê mi bêwaştişê mi,
Axme bîyêne nê kuçeyan
Çimanê jû candoxê ra, seke ez bermena
Mîyanê na bêkesîye de
Vîramayîşê welatî candox bîyêne
Û ez dejnenê na vîstike de
Û ameyne war hêsîrî
No demode kilmek dilop – dilop.
Çilkîne, çilkîne…
Ez hayo bi beçika nîşangehe asena
Mîyanê nê qelebelîxî de, mi lingê şanita rê erd
Di – hîrê gamî û yew zengu
Û ez to pawena, sey vîramayîşode weşik…
Ali Şeker
