Eşqo hereykewtaye

EŞQO HEREYKEWTAYE


Ax ! Sereyé min o serewedaritaya yê.”

Vayede şilgerm rîyê mi leseno

Ez xeyelanê kanan de xoraşîyayêne

Domanîya mi ameyne mi vîrî...

Ma bi jû dest memike maya xo litene / misnene

Ma bi jû dest kî pêsîrê maya xo pêgirewtene

Na hîsterîyêka domanîye

Her cayê dinya de eynî bîye.

Mîyanê dewîjan ma de,

Nê cîyakarîya ziwanî

Nê zî cîyakarîya bawerîye bîye têmîyanêkan de

Ma ju adirî ser de ameyne pêşayene…


“ Tîya de germinîya zerêyê mi get çîn a.

Ez, candarbîyena qelebelixê şaristanî de xeneqîna. “


Kebanî, çiyo tewr hewl oyo ke

No cayo fireqet seba mi dewa!

Reyna qurbetîya kederine

Zerê min o tenik veyşna

Xemgînîyêka de nênase, halîn virazena sêneyê mi ser de

Ju eşqêko ereykewtayaye bihîsanê weşikan

Çim ( a ) şikneno rê zerrîya min a awirşikiteyîye rê

Seke erebeyo ke ez wenîşta bi ci,

Sereyê xo biçarno verba welatî.


Nê kambaxê şaristanî de

Reyna eşqêko bêderman

Emana mi beno, domanîya mi amey mi vîrî

Kebanî beno ke, ez reyna nîyama welat

Hurînda mi de koyanê berzan û hardê dewrêşî ra

Kelê yê xo bibirne

Mendenê esta, merdene esta.

Ewro vatişê min o tîje pîya qedîno…


“ Dêmê vîyarteyî hewce yê vengê lulîya bilurê bîy.

Û rewna amêne xo eştbî deyîranê xatirnazan ser.”


Ali Şeker – Roşna

Bîyografîyê Ali Şeker

Alî Şeker, Serra 1959 de dewa Gimgimî Zaçex (Acarkent) de am-eyo dinya. Mektebê verên Semsur de, mektebê mîyanên qezaya Diyarbekîrî Ferqîn de yatilî wendî.

Lîse zî Gimgim de wende. 1978î ra nat Îzmîr de nişeno ro, uca cuya xo dewam keno.

Serra 2006 de ey û Hasan Karakayayî bi nameyê “Yeter Artık Sonba-har, Kürt Bir Çocuk, Tîya Şodirî Eşto Bonan Ser” yew albumê şîîr-an û kilaman viraşte.

Şîîre û nuşteyê ey rojnameyê Dêrsimî, Kovara Vate de, NewePel û kovara Şewçila de weşanîyayî. Hetanî nika des kitabê xo ameye weşanîyaye...