Roja Kirmancana Sîyayê

Roja Kirmancana Sîyayê: 4ê Gulane

Seba şarê ma yê kirmancî 4ê gulane rojê de sîya wa. No semed ra wo ke Înstîtutê Ziwan û Kultûrê Kirmancî û Adar Schule pîya edi Berlin de û bi bêşdarbîyayîşê tarixnas û nustoxê ma no hêca Munzur Çemî yew aktîvîteya vîrardîşê Kokbirê Dêrsim yê 1937-38î organîze kerde.

No aktîvîteyê 4ê gulane edi Berlin Adar Schule de roja çarşemeyî bi bêşdar bîyena tayê nas û dostanê hêcayan saete 17:30 de destpêkerd. Destpêkerdena program de îdarekerdoxanê Adar Schule ra Mamoste Ciwan Tengezar bi kurmancî û Îdarekerdoxanê Înstîtutî ra Wusênê Gestemerde kî bi kirmanckî xêr amayenê dê meymanan û kilmek derheqê program de înformatsîon da bi meymanan. Bi yew deqa rêzdayîşê meymanan Cangorîyê Dêrsimî amayî yad kerdene.

Rêzdayîş ra dima tarixnas û nustoxê mano hêca Munzur Çemî dest bi qesey kerdena xo kerde û derga derg bi ziwanê kurmancî û bi ziwanê kirmanckî mana û muhimîya 4ê gulane ser o qesey kerd…

Des deqeyî bîne ra dima hunermendo hêca Soner Soyer bi çend lawukanê xo, hunnermedo hêca Hogir Göregen kî bi darbuka xo û şaîro hêca Îbrahîmê Xaşxaşe kî bi di şîranê xo Cangorîyê Dêrsimî yad kerdî.

Pêynîya program de kî kitabê tarixnas û nustoxo hêca Munzur Çemî bi Diashow amayî temaşe kerdene.

Înstîtutê Ziwan û Kulturê Kirmancî – Berlin

Berlin, 05.05.2022