Panel
26.01.2026ŞİME XÊYALİSTAN
bêrê sereyê xo bicême şime, kotî de ke vêcîyayîme
lazim nîyo wa kes mezano, şime her kesî ra dûrî
bêrê pirêne xo bivurnîme zê yew marî
hetê zerreyî ra hetanî teberî
şime yew kilama nêweyê rê bibîme melodîyê
kederinîye ma ra do, bivero ra şoro şilîye û şepelîye
rûyê ma zê pukeleke yo, halê ma halê kutikîye
barê vilê ma mebo, ne hêsîrê çiman ne zerre şikitîye
bêrê şime na serê şodirî, hîna (hona) ke pepugî nêwendo
teyna yew vengê xo bicême, çîyê zerreyê ma de nemendo
belkê vengê ma sitar beno, çekûya ke ci rê ca mendo
şime xêyalîstan wa kêlika mezele cayê xo de vindo
zê awe bivecîme rûyê(rîyê) asmenî, bibîme şilîye bivarîme
bivarîme vaşî serde gol bibîme koka yew darî de
biberbîme ruhê xo pak keme, ya kî rindîye bikerîme
emrê xora rojan ra yew rojê bibirnîme, şime
ma bide xatire payîzê kederinî, vinde şime
bawerîya xo bi senê çuçikan anê ebi ayê vajê
çeqerê kamcî darî de xapîya, ma kî bixapîme
kederinîya ma, to ra kemî nîya wulle bizane
Akman Gedik
XEYALÊ HEWRÊ SÎYAYÎ
ti çinayî ra kêyf cêna, vace
payîz bi payîz çira kederîn a
zimistanî ra hers bena,akêsîna
wusarî (wîsar) ra xeber dana, lê bêwusarî nêkena
amnan ke ame ti xo ra vêrena ra, bena budela
vace, to xeyalê xo hewrê sîyayî ra gureto çik o?
mi rê qalê mîya heqî bike
wa û birayê axreta şîlîye ya
tîjî pesna xo dana
û her mayê dûştê qelbê xo de hes kena domanan ra
serê hermê mi ra qeseyê omidî nîştê ro
mi bêomidîye qelbê xo ra vete û dûrî eşte
şodir ke va, omid bi xo yo…
Akman Gedik
