Page 3 - Îbrahîmê Xaşxaşe
P. 3
Çİ RA SOFÎ ?
Derya yê çûyî de
îlmî ra mevisîye
tarî de manena.
Nîyade sofî..!
îlîm daran bi tilsimê îlmî,
fêza kî zapt kerde.
Lê çi hêf ke ti hona tarî tîya xeyalanê
bê maneyan de kuklî kay kena.
Hardo Dewrêş cennet o mi rê,
biance sîya xo ser ra,
wa meheremîyo.
Ez rayirwanêde budela ya,
mi îqrar da wayirî
û dima îlmî şona.
Menzîle mi ke pers kena xêlî dûrî yo
her hetê raya mi qît û têlî yo.
Lê, ez minete nêkena ci ra.
Çimke eşqê îlmî îqrarê zerî yo.
Çimke îqrarê mi, gulbangê wayirî yo,
bizane.
Sofî,
nêbo nêbo, qesa mi pê goş meke xo rê.
Ti ti be, mi metexelne.
Eşqo raştikên bimbarek o,
gere medejîyo, gunek o
Manika xo bipême,
û ti kî mi de bê, meterse.
Bi cesaretê îlmî,
dolimê xo bi xo biperse,
ma şerab ke heram û pîs o,
çi ra cenetê to de “muqades”o.
çi ra sofî?
Îbrahîmê Xaşxaşe Berlîn, 06.2016