Page 4 - Îbrahîmê Xaşxaşe
P. 4
XWEZİLA*
Xwezîla ez nika welatê xo de,
ju perperikê wusarî bîyêne.
Ge gilê xaşxaşike de
ge pela tirşike ser ro bireqesîyêne.
Ez ke welatê xo de bîyêne,
miradî ver de nêmendêne.
Sîya zulimî eşt re ma ser, mi to ca verda,
lê to hewnê mi xemelnayî, ez teyna nêverda.
Ti zeretenik, ti ramanî û comerd a
virana xo ra ke, ez êna eyy welatê mi.
Ez ke welatê xo de bîyêne,
tarîtîya axuzarîye de nêmendêne.
Axx ez ke welatê xo reyştêne,
amêne çokan ser û ci ra efê xo waştêne.
Merdene est a, mendene est a
honde ke a axe mi de nêmendêne.
Xwezîla ez nika welatê xo de hewn de bîyêne,
û qet heşar nêbîyêne.
Îbrahîmê Xaşxaşe. - Berlîn 05.03.2013
*Na şîîre çalakîya edebîyatî ya Hüseyin Çelebî 2014îne de xelata
2.yîne gurete.
