Page 6 - Îbrahîmê Xaşxaşe

HEVAL O

Hevalo,
dem tarî yo
qom bêhal o.
Nê mijxeleyî de
vergê ke zurenê,
ancîya ma ra nêçîr wazenê.
Bizane.

Xapinayîşê ma,
merdene arde ma rê.
Îman ke nêkena,
tarixê ma de nîyade.
Lazim nîyo, meşo dûrî,
Dêrsimî, Mahabad û Halebce bîya xo vîrî.
„ Se bî bî, çi qewmîyay bî?“
Mi ra pers meke.
Şo kemer û kuçanê Halebce ra, Mamekîye ra,
dereyê laçî ra û Çemê Munzurî ra pers bike.
Dima kî, cad ke pelganê tarixê xo ra ke,
têser û têbine ra ke.
Wexto ke pê qayil nêbîya,
bijê biqirişne, biqirişne parçe û pirtleyî bike.